Tum Mere Kaun Ho – Talluq OST, Geo TV

Song: Talluq
OST: Talluq
Channel: Geo Tv
Year: 2010
Writer: Syed Wasi Shah
Director: Syed Ahmad Kamran
Composer: Farrukh Abid – Shoaib Farrukh
Lyricist: Syed Wasi Shah
Singer: Rahat Fateh Ali Khan



tum mere kaun ho tum se hai talluq kesa (x2)
tum kisi dhun pe lipti huwi tanhai ho
meri shohrat ho, dua ho, meri ruswaai ho
tum mere kaun ho tum se hai talluq kesa

meri har por hai aise choone ko betaab huwi
woh khushi rooth gai mujh se, wo nayaab huwi
tashnagi phir bhi nahi jeet saki hai mujh se
jism pyaasa hai magar rooh to seraab huwi (x2)
tum mere kaun ho tum se hai talluq kesa

gungunaate ho to mehsoos yeh hota hai mujhe
jese dariyaaon ke saahil se sadaa aati hai
door jaata hun to daaman se lipat jaate ho
paas aata hun to khuwabon mein utar jaate ho
tum mere paas ho na door ho mere dil se
tum mere kaun ho tum se hai talluq kesa (x2)