Jeena To Hai OST Lyrics PTV

OST: Jeena To Hai
Directed by: Tariq Mairaj
Channel: PTV
Year: 2011


Song Title: Jeena To Hai
Singer(s): Sahir Ali Bagga
Music by: Sahir Ali Bagga
Lyrics by: Asim Raza



aankhon ne pehne khawaabon ke gehne
palkon pe gham ke bojh uthaaey
khushiyon ki rimjhim, pyaar ke mausam
aaey magar kiyun raas na aaey
dard ko dil ki teh mein chhupaaey
zindagi se hai gila, phir bhi hamain jeena to hai (x2)

ham ne jo chaaha woh hi na paaya
dil se jo maanga, paa ke ganwaaya
aadhe adhoore sukh sapnon ko
apne hi haathon ham ne lutaaya
thak haaray hain aas lagaaey
baarhaa kiya shikwa, phir bhi hamain jeena to hai
zindagi se hai gila, phir bhi hamain jeena to hai

sooni sooni khushiyaan, rangeen qabaaeyn
ham khaali haathon kya pehnaaeyn
duniya se fursat mil jaey to
dil se kiye ham wa’ade nibhaaeyn
kaun hamaara haath bataaey
yeh wafaa hai ya jafaa, phir bhi hamain jeena to hai
zindagi se hai gila, phir bhi hamain jeena to hai